“Ýeňiş Sungaty” - Seýitniýaz Ataýew – harby aňtawçy, terjimeçi we ýazyjy

1945-nji ýylyň aprelinde Änewe Seýitniýazyň kakasy Ata Gulburunowyň adyna hat gelip gowuşypdyr. Üçburç hatyň obany nähili alada goýandygyny göz öňüne getirmek bolar.

Her niçigem bolsa, haty açdylar we obanyň öňünde gaýta-gaýta okadylar: «Siziň ogluňyz Ataýew Seýitniýazyň nemes basybalyjylaryna garşy göreş frontunda harby wezipelerini nusgawy ýerine ýetirendigi we onda görkezen gaýduwsyzlygy we edermenligi üçin Aleksandr Newskiý ordeni bilen sylaglanandygyny habar berýärin. Gol: General-maýor M.Zaikin”. Oba adamlary bu harby ordeniň Gyzyl Goşunyň diňe aýratyn tapawutlanan serkerdelerine gowşurylýandygyny bilmese gerek, ýöne olar esasy zada, Seýitniýazyň diridigine we gahrymanlarça söweşýändigine gowy düşündiler.

Öýe dolanyp gelenden soň, maýor harby geýmini çykaryp, Seýitniýaz Ataýew uniwersitetiň filologiýa fakultetine okuwa girýär. Okuw ýyllarynda ol galam işinde ilkinji ädimleri edip gördi we terjimelik bilen gyzyklandy. Tiz wagtda Turgenewiň powestleri, Lew Tolstoýyň “Janlanma” romany, Ernest Hemingweýiň, Erskin Koldwelliň, Hindistanyň we Günorta Afrikanyň ýazyjylarynyň eserleri türkmen dilinde çap edilýär. Soňra, awtoryň oçerkler we hekaýalar ýygyndysy peýda bolýar.

1965-nji ýylda çap edilen “General Mämmet Änewskiý” atly hekaýasynda ol Ýenişden birnäçe gün öň bolup geçen wakalaryň birini beýan edýär Bulat Mansurowyň “Ölüm ýokdur, ýigitler” atly belli filmi bu hekaýanyň esasynda döredildi.